Rensaku san India

Mumbai

ceirteacha ar an gcosán

corraíonn colainn iontu

an ghrian os cionn na Himáilithe

ólann mo mhiúil

as an nGainséis

an cruidín a bhí ann?

splais ghorm

ag airgeadú

maidin dhuairc

féachann préachán

síos an simléar

níl fágtha de

ach na geataí –

teampall aeir

Allah-o-akbar!

breacadh an lae in Kochi

tonnta ar crith

scéala báis

ialtóg torthaí ar crochadh

fá shuan

éigrit ina seasamh i murlach

fuaim éadaí á ní

ar leacacha

an loiteog!

á nochtadh féin arís is arís eile

dos na huiscí

seangáin seangáin seangáin

seangáinseangáinseangáin

seangán

nach grod

mar a thiteann ina cró féin

an ghrian laochta

préachán aonair

go hard os cionn na coda eile

tóraí críonna

an spéir glanta

de phréacháin

an chéad réalt

ceo brothaill

seanduine ar a rothar

faoi dhéin na síoraíochta

cróntráth

agus rós á phéinteáil féin

níos deirge an t-am go léir