Rensaku sa Bhreatain Bheag
Nollaig 2004

snas na gcloch –

a bhfuil fágtha d’inscríbhinn

glaonn cuirliún

caoirigh

ag freagairt dá chéile

scaipeann an ceo

Eaglais Llanfaglan

níl aon éalú

fulaingíonn leaca uaighe an bháisteach

leac mharmair

ag Léigear Bhadajos a thit sé

damhán alla ag sníomh

nóinín aonair i mí na Samhna

nochtann soilse

i measc na gcnoc

titeann an oíche

ar leaca uaighe –

úrghuth an philibín

an bhliain ar an leac uaighe

níos tréigthe

t’réis ghaoth an lae inniu

gleann ceo

crainn ag péacadh

ina gceann is ina gceann

ong na mbó –

dorchaíonn uiscí

Bhá Chaernarfon

go réidh réidh

ag fás as creag

caora

as an gceo

tuilleadh ceo

ag éirí

ofrálann a drúcht

do ghrian an gheimhridh

leaba luachra

caoirigh ag dul as amharc

réaltaí ar an spéir

glór easa

seacht n-uaire a labhair an fiach

ansin cogarnáil

na habhann

ciúnas gorm na maidine

neamhbhriste ag ceol

na n-éan

grian íseal

scáthanna ag teitheadh

thar pháirceanna catha

púcaí peill

is gan éinne ag féachaint orthu

coill ar Inis Móna

crann a thit

is nár thit

crann eile á fhulaingt

fiach a tháinig amach as an gcoill

bhreathnaigh ar an domhan

agus d’fhill

aonchogar ard

na ngiúiseanna istoíche

seanmóir fhada

bánú an lae

an rabhadar ann ar feadh na hoíche?

caoirigh