23 [Remembers thou in Æsope of a taill]
Remembers thou in Æsope of a taill
A loving Dog wes of his Maister fane
To faun on him wes all his Pastym haill
His courteous Maister clappit him agane.
5 By stood ane Asse a beist of blunter brane
Perceiving this bot looking to no freet
To pleis hir Maister with the counterpane
Sho clambe on him with hir foull clubbit feet
To play the Messan thoght sho wes not meit
10 Sho meinit weill I grant hir mynd wes guid
Bot vhair sho troude hir Maister suld hir treit
They battound hir vhill that they sau hir bluid
So stands with me vho loves with all my hairt
My Maister best, some taks it in ill pairt