The following story was not part of the contest, but was written for us, by request, by Dr. Lawrence M. Schoen of the Klingon Language Institute. Please do not submit stories to future Strange New Worlds anthologies written in Klingon, Ferengi, or any other fictional language.
jubHa’
Lawrence M. Schoen
mInDu’wIj vIpoSmoHlaH ’ej mInDu’wIj vISoQmoH, ’ach vIvIHlaHbe’. pagh vIHotlaH. pagh vIjatlhlaH. vIleghlaH neH. QongDaqDaq jlleS. QongDaqvam ghovbe’. HoDwI’ DujDaq QongDaqwIj tu’lu’. Hopqu’ Dujvetlh ’ej naDev jIH. pa’ ’el loD. munuDchu’. vIbejlaH neH.
«QellI’ jIH» jatlh loD. «choyajlaH’a’.»
mInDu’wIj vIpoSmoH ’ej mInDu’wIj vISoQmoH.
’el HIp tuQbogh loD. ’aj ghaH. SuvwI’a’ ghaH. vIvanlaHbe’. QongDaqDaq jIQottaHmo’ jItuH’eghmoII.
«choH’a’» jatlh ’aj.
«Dubbe’. ’ach vemchoH. jatlhlaHbe’.»
«DaQaHlaH’a’» jatlh ’aj.
«ropvam vISovbe’. chu’. ’IwDaj ngej tar nov. vIvorlaHbe’.»
mej ’ej jImob. paw ram. jIqawchoH. wej romuluSnganpu’ vISuvII’DI’ ’emDaq muHIv latlh. jIDej ’ej jIvulchoH. ropyaHchajDaq jIvemchoH. HerghwI’ ’uch romuluSngan tej. DeSwlj ’aw’.
«QI’yaH!» vIjach. qabDaj mup chapwIj ’ej pumbej pujwI’. jInarghnIS. jolpa’chaj vISamnIS. jIqet. bIrchoH DeSDu’wIj ’uSDu’wIj je. oy’choH taghDu’wIj. lupDujHom vItu’ ’ej vItIj. nap SeHlaw ’ej tugh jItlheDrup. romuluSngan loghvo’ jIHaw’. juHqo’ Quv vIcher. jItlhab. tlhuch HoSwIj ’ej jIQong. naDev jIH jIvemDI’. Qel mu’mey vIqaw. DaH jIyaj. rop chu’ chenmoH romuluSnganpu’. mungej. muroSHa’moH. jIQaH’eghlaHbe’. jIweb.
jIQongqa’. HoH’eghghach vInaj ’ej jImon. jIvemqa’DI SaH Qel. mobbe’. tlhej vulqangan. qama’ HIp tuQ.
«DaH» jatlh Qel.
QongDaqDaq chol vulqangan. ba’. qabwIjDaq ghopDu’Daj lan. vIbotlaHbe’. vay’ nejqu’ mInDu’Daj. meQchoHlaw’ QuchwIj.
mutlhup vulqangan. «yabwIjvo’ yablIjDaq je. yablIjvo’ yabwIjDaq je. yab wa’ neH wIghaj.»
jIjach. vIneH. nachwIj qoD yotchu’. muHIv qechmey nov. vIHublaHbe’ ’ach jIjeghQo’ ’e’ tlhoj vulqangan ’ej pay’ jot Hoch, wanI’mey leghlaH. qunwIj ghoj. SanwIj yaj. mej yabDaj ’ej vIchImlaw’qa’.
«yIn yabDaj» jatlh vulqangan.
«’e’ vIHaj» jatlh Qel. «qaSta’ nuq. ’e’ yaj’a’.»
«HocH yajbe’.»
«vI’angnIS. ’aj yIqem.» jatlh Qel.
mej vulqangan. Qel vIbej. bItqu’. pawDI’ ’aj HeD QeI.
«DaH» jatlhqa’ QeI.
’aj ghopDaq nargh taj. tIqwIjDaq muDuQ. qaS pagh. taj teqDI’ jIpIvqu’. HughwIj pe’chu’. SIbI’ muvqa’ Dir. ’e’ vIHarbe’ ’ach teHqu’. muHoHlaHbe’.
«nIjubmoH romuluSngan. bIHegHlaHbe’.» jatlh Qel. «’ach vIHQo’ nItlh. DaqaSmoHlaHbe’.»
«tlhInganqoq SoH. ’e’ qaSmoH romuluSngan.» jatlh ’aj. «batlhlIj nIHchu’.»
jIjach. vIneH. vIHoH. vIneH. jIHegh. vIneH. pagh vIta’laH. qoy’ mInDu’wIj ’ej tu’ vulqangan. qabwIj Hotqa’ nItlhDu’Daj. yabwIjDaq ’elqa’ yabDaj.
«tlhIngan jIH. SuvwI’ jIH. HIqIchQo’. yIntaHbogh Heghvam vISIQ.» vIja’. jIvIt. net Sov.
ghopDu’Daj nge’ vulqangan. «vIQaHlaH» jatlh.
«DaHoHlaH’a’» jatlh ’aj.
«ghobe’. jub. ’e’ vIchoHlaHbe’. ’ach batlhDaj vInoblaH. SuvwI’ mojqa’.»
«’e’ DaqaSmoHlaHchugh vaj qatlhabmoH.» jatlh ’aj.
«tuQDoq Hoqra’ je HIqem.»
«qatlh» jatlh Qel.
«ghaHvaD qo’ chu’ vIchennISmoH.»
Hoqra’ ghun vulqangan. vIbej. rInDI’ nachwIj Hoqra’ tuQDoq je rar. «yIyoH, SuvwI’. batlh bIghobjaj.» jatlh vulqangan. leQ ’uy vulqangan. ngab Hoch.
«tlhIngan!» jach vay’. jItlhe’. jagh vIlegh. che’ronDaq vIQam. betleHWIj vI’uch. jIvIHlaH. jIHagh ’ej jIHlv. Dat jaghpu’ vIlegh. Hegh. Hoch vIHoHDI’ latlhpu’ vItu’. vIbomchoH vIHoHtaHvIS. not jIDoy’choH. Dunqu’.
* * *
«DaH QongtaH. not vemqa’» jatlh vulqangan.
«naj’a’» jatlh ’aj Qel je.
«ghobe’.» jatlh vulqangan. «yInqu’.»