Grammar Assumed:
Numerals
The Creation Story According to the Author of Genesis
Ἐν ἀρχῇ ἐποίησεν ὁ Θεὸς τὸν οὐρανὸν καὶ τὴν γῆν. ἡ δὲ γῆ ἦν ἀόρατος καὶ ἀκατασκεύαστος, καὶ σκότος ἐπάνω τῆς ἀβύσσου, καὶ πνεῦμα Θεοῦ ἐπεφέρετο ἐπάνω τοῦ ὕδατος. καὶ εἶπεν ὁ Θεός· γενηθήτω φῶς· καὶ ἐγένετο φῶς. καὶ εἶδεν ὁ Θεὸς τὸ φῶς, ὅτι καλόν· καὶ διεχώρισεν ὁ Θεὸς ἀνὰ μέσον τοῦ φωτὸς καὶ ἀνὰ μέσον τοῦ σκότους. καὶ ἐκάλεσεν ὁ Θεὸς τὸ φῶς ἡμέραν καὶ τὸ σκότος ἐκάλεσε νύκτα. καὶ ἐγένετο ἑσπέρα καὶ ἐγένετο πρωΐ, ἡμέρα μία.
Καὶ εἶπεν ὁ Θεός· γενηθήτω στερέωμα ἐν μέσῳ τοῦ ὕδατος καὶ ἔστω διαχωρίζον ἀνὰ μέσον ὕδατος καὶ ὕδατος. καὶ ἐγένετο οὕτως. καὶ ἐκάλεσεν ὁ Θεὸς τὸ στερέωμα οὐρανόν. καὶ εἶδεν ὁ Θεός, ὅτι καλόν, καὶ ἐγένετο ἑσπέρα καὶ ἐγένετο πρωΐ, ἡμέρα δευτέρα.
Καὶ εἶπεν ὁ Θεός· συναχθήτω τὸ ὕδωρ τὸ ὑποκάτω τοῦ οὐρανοῦ εἰς συναγωγὴν μίαν, καὶ ὀφθήτω ἡ ξηρά. καὶ ἐγένετο οὕτως. καὶ ἐξήνεγκεν ἡ γῆ βοτάνην χόρτου σπεῖρον σπέρμα κατὰ γένος καὶ καθ᾿ ὁμοιότητα, καὶ ξύλον κάρπιμον ποιοῦν καρπόν, οὗ τὸ σπέρμα αὐτοῦ ἐν αὐτῷ κατὰ γένος ἐπὶ τῆς γῆς. καὶ εἶδεν ὁ Θεός, ὅτι καλόν. καὶ ἐγένετο ἑσπέρα καὶ ἐγένετο πρωΐ, ἡμέρα τρίτη.
Καὶ εἶπεν ὁ Θεός· γενηθήτωσαν φωστῆρες ἐν τῷ στερεώματι τοῦ οὐρανοῦ εἰς φαῦσιν ἐπὶ τῆς γῆς, τοῦ διαχωρίζειν ἀνὰ μέσον τῆς ἡμέρας καὶ ἀνὰ μέσον τῆς νυκτός· καὶ ἔστωσαν εἰς σημεῖα καὶ εἰς καιροὺς καὶ εἰς ἡμέρας καὶ εἰς ἐνιαυτούς· καὶ εἶδεν ὁ Θεός, ὅτι καλόν. καὶ ἐγένετο ἑσπέρα καὶ ἐγένετο πρωΐ, ἡμέρα τετάρτη.
Καὶ εἶπεν ὁ Θεός· ἐξαγαγέτω τὰ ὕδατα ἑρπετὰ ψυχῶν ζωσῶν καὶ πετεινὰ πετόμενα ἐπὶ τῆς γῆς κατὰ τὸ στερέωμα τοῦ οὐρανοῦ. καὶ ἐγένετο οὕτως. καὶ εἶδεν ὁ Θεός, ὅτι καλά. καὶ ἐγένετο ἑσπέρα καὶ ἐγένετο πρωΐ, ἡμέρα πέμπτη.
Καὶ εἶπεν ὁ Θεός· ἐξαγαγέτω ἡ γῆ ψυχὴν ζῶσαν κατὰ γένος, τετράποδα καὶ ἑρπετὰ καὶ θηρία τῆς γῆς κατὰ γένος. καὶ ἐγένετο οὕτως. καὶ εἶδεν ὁ Θεός, ὅτι καλά. καὶ εἶπεν ὁ Θεός· ποιήσωμεν ἄνθρωπον κατ᾿ εἰκόνα ἡμετέραν καὶ καθ᾿ ὁμοίωσιν, καὶ ἀρχέτωσαν τῶν ἰχθύων τῆς θαλάσσης καὶ τῶν πετεινῶν τοῦ οὐρανοῦ καὶ τῶν κτηνῶν καὶ πάσης τῆς γῆς καὶ πάντων τῶν ἑρπετῶν τῶν ἑρπόντων ἐπὶ γῆς γῆς. καὶ ἐποίησεν ὁ Θεὸς τὸν ἄνθρωπον, κατ᾿ εἰκόνα Θεοῦ ἐποίησεν αὐτόν, ἄρσεν καὶ θῆλυ ἐποίησεν αὐτούς. καὶ εὐλόγησεν αὐτοὺς ὁ Θεός, λέγων· αὐξάνεσθε καὶ πληθύνεσθε καὶ πληρώσατε τὴν γῆν καὶ κατακυριεύσατε αὐτῆς καὶ ἄρχετε τῶν ἰχθύων τῆς θαλάσσης καὶ τῶν πετεινῶν τοῦ οὐρανοῦ καὶ πάντων τῶν κτηνῶν καὶ πάσης τῆς γῆς καὶ πάντων τῶν ἑρπετῶν τῶν ἑρπόντων ἐπὶ τῆς γῆς. καὶ ἐγένετο ἑσπέρα καὶ ἐγένετο πρωΐ, ἡμέρα ἕκτη.
Καὶ συνετελέσθησαν ὁ οὐρανὸς καὶ ἡ γῆ καὶ πᾶς ὁ κόσμος αὐτῶν. καὶ συνετέλεσεν ὁ Θεὸς ἐν τῇ ἡμέρᾳ τῇ ἕκτῃ τὰ ἔργα αὐτοῦ, ἃ ἐποίησεν, καὶ κατέπαυσεν τῇ ἡμέρᾳ τῇ ἑβδόμῃ ἀπὸ πάντων τῶν ἔργων αὐτοῦ, ὧν ἐποίησεν. καὶ ηὐλόγησεν ὁ Θεὸς τὴν ἡμέραν τὴν ἑβδόμην καὶ ἡγίασεν αὐτήν· ὅτι ἐν αὐτῇ κατέπαυσεν ἀπὸ πάντων τῶν ἔργων αὐτοῦ, ὧν ἤρξατο ὁ Θεὸς ποιῆσαι. Αὕτη ἡ βίβλος γενέσεως οὐρανοῦ καὶ γῆς.
Septuagint. Genesis. 1:1-2:4a
|
Vocabulary |
|
|
ἀόρατος,-ον |
unseen |
|
ἀκατασκεύατος,-ον |
unfashioned |
|
σκότος,-ου, ὁ (Lesson 24, n. 4) |
darkness |
|
ἐπάνω (+ gen) |
above |
|
ἄβυσσος,-ου, ἡ |
the abyss |
|
πνεῦμα,-ατος, τό |
spirit, wind |
|
διαχωρίζω, διαχωρίω, διεχώρισα, —, διακεχώρισμαι, — (cf. Lesson 17 n. 1) |
to separate |
|
ἑσπέρα,-ας, ἡ |
evening |
|
πρωί (adverb) |
morning |
|
στερέωμα,-ατος, τό |
firmament |
|
σύν + ἄγω |
to gather together |
|
ὑπακάτω |
below |
|
ξηρά,-ᾶς, ἡ |
dry land |
|
βοτάνη,-ας, ἡ |
pasturage |
|
χόρτος,-ου, ὁ |
fodder |
|
σπείρω, σπειρῶ, ἔσπειρα, ἔσπαρκα, ἔσπαρμαι, ἐσπάρην |
to sow |
|
σπέρμα,-ατος, τό |
seed |
|
Vocabulary (continued) |
|
|
ξύλον,-ου, τό |
wood |
|
κάρπιμος,-ον |
fruitful |
|
κάρπος,-ου, ὁ (Lesson 5, n. 5) |
fruit |
|
φωστήρ,-ῆρος, ὁ |
star |
|
φαῦσις,-εως, ἡ |
illumination |
|
σημεῖον,-ου, τό |
constellation |
|
ἐνιαυτός,-οῦ, ὁ |
year |
|
ἐρπετόν,-οῦ, τό |
creeping thing |
|
πετεινόν,-οῦ, τό |
bird |
|
πέτομαι, πετήσομαι, ἐπτόμην and ἔπτην |
to fly |
|
τετράπους,-ποδος, τό |
herd animal |
|
εἰκών,-όνος, ἡ |
image |
|
ἡμέτερος,-α,-ον |
our |
|
ἰχθύς,-ύος, ὁ |
fish |
|
κτῆνος,-εος |
flocks |
|
ἕρπω, ἑρψῶ, εἵπυσα |
to creep |
|
ἄρσην,-εν |
male |
|
θῆλυς,-εια,-υ |
female |
|
εὐλογέω |
to bless |
|
αὐξάνω |
to increase |
|
Vocabulary (continued) |
|
|
πληθύνω |
to multiply |
|
πληρόω,-ώσω, ἐπληρωσάμην, πεπλήρωκα |
to fill up |
|
κατακυριεύω |
to gain dominion over/to lord over |
|
συντελέω |
to complete |
|
ἁγιάζω, ἁγιάσω, ἡγίασα, ἡγίακα |
to make holy |
|
καταπαύω,-σω, κατήπαυσα, καταπεπαύκα |
to cease from, rest |