Liaison Cooardinator

efturryd geenuz iz speel
iboot whut wuz right
nwhut wuz rang
boot this nthat
nthi nix thing

a sayzti thi bloke
nwhut izzit yi caw
yir joab jimmy

am a liason co-ordinator
hi sayz oh good ah sayz
a liason co-ordinator

jist whut this erria needs
whut way aw thi unimploymint
inaw thi bevvyin
nthi boayz runnin amock
nthi hoossyz fawnty bits
nthi wummin n tranquilisers
it last thiv sent uz
a liason co-ordinator

sumdy wia digree
in fuck knows whut
getn peyd fur no known
whut thi fuck ti day way it

Tom Leonard