Epitaphe nouveau, du mesme, par C.M.
Cy gist Martin, qui pour saouller Alix,
Tant culleta qu'il en perdit la vie :
Car sans cesser, ou sus bancz, ou sus litz,
Elle voulut en passer son envie.
Il esgouta toute son eau de vie,
Puis se voulut restaurer de couliz :
Mais la vigueur des tourdions joliz
Qu'avoit Alix inventez à son ayse,
Ses roydes nerfz rendit tant amolliz,
Qu'il fut martyr : dont toy, qui cecy lis,
Va, si tu veulx que ton culleter plaise,
Baiser sa tumbe au plus pres de Senlis,
Alors pourras culleter plus que seize.
