<meta content="urn:uuid:065398e4-19a3-4a33-af38-fce41579ce86" name="Adept.expected.resource"/> </head> <body> <p class="p10"><a id="a600"/><a id="a599"/><span class="t8"><b>CARMINA ELEGIACA</b></span></p> <p class="p17">Surge, age surge, leves, iam convenit, excute somnos, <br/>Lux oritur, tepidi fulcra relinque tori<br/>Iam canit excubitor gallus prænuntius ales<br/>Solis et invigilans ad sua quemque vocat<br/>Flammiger Eois Titan caput exerit undis<span class="t4"> </span><span class="t3">5</span><br/>Et spargit nitidum læta per arva iubar<br/>Daulias argutum modulatur ab ilice carmen<br/>Edit et excultos mitis alauda modos<br/>Iam rosa fragrantes spirat siluestris odores<br/>Iam redolent violæ luxuriatque seges <span class="t3">10 </span><br/>Ecce novo campos Zephyritis gramine vestit<br/>Fertilis, et vitreo rore madescit humus<br/>Segnes invenias molli vix talia lecto<br/>Cum premat imbellis lumina fessa sopor<br/>Illic languentes abrumpunt somnia somnos <span class="t3"> 15</span><br/>Et turbant animum tristia multa tuum<br/>Illic tabifici generantur semina morbi<br/>Qui pote torpentem posse valere virum<br/>Surge age surge, leves, iam convenit, excute somnos<br/>Lux oritur, tepidi fulcra relinque tori. <span class="t3">20</span></p> </body> </html>