GENS clara ripas Danubii colit,
Semper fidelis regibus, imperj
Haud semper æqui; nunc resurgit
Impatienter avita virtus.
Quicunque laudes diceret omnium
Quot extiterunt nobilioribus
Ibi triumpbis, ante parcas
Præferet Historiam Camænas:
Vix ipsa largis claudere paginis
Sperabit omnes. Huniadem unicum
Inter trecentos Musa amanter
Ausoniæ pavitans sequetur.
At non minores jam video aggredi
Regem insolentem; jam video supra
Victoriam cristas volare,
Sistere jam video, duorum.
Cossuthe! primus jure locus tibi
Haud imperito milite cernitur
Et cive, nec longe remotum
Adspiciunt equitare Bemum.
Valete, fluctus clara nigros super,
Fraterna belli sidera! gloriam
Qui contulerunt, dent utrique
Munera Dii meliora pacis!