O PATRE nequam gnate (siquis) nequior,
Philippe, quorsum te petat sicarius?
Probi-ne sunt in Galliâ sicarii
Soli? æquitatis unici satellites?
At casta certe contigit tibi soror,
Gnatæque castæ, nec caret conjux fide,
Utcunque mater esset infami domo: ‘
Atqui neque illud pessimi scortum domûs
Neptem alligaret conjugi haudquaquam viro
Adulteramque nuptiis compelleret
Ut furtim Iberum clauderet septo pecus.