Thureth

Dobbie, 1942 97; Dobbie, E.V.K., The Anglo-Saxon Minor Poems, ASPR 6 (New York).

 

Ic eom halgungboc;      healde hine dryhten

 

þe me fægere þus      frætewum belegde.

 

þureð to þance      þus het me wyrcean,

 

to loue and to wurðe,      þam þe leoht gesceop.

5

Gemyndi is he      mihta gehwylcre

 

þæs þe he on foldan      gefremian mæg,

 

and him geþancie      þeoda waldend

 

þæs þe he on gemynde      madma manega

 

wyle gemearcian      metode to lace;

10

and he sceal ęce lean      ealle findan

 

þæs þe he on foldan      fremaþ to ryhte.