Riddles 2

Krapp and Dobbie, 1936 180-81; Krapp, G.P. and Dobbie, E.V.K., The Exeter Book, ASPR 3 (New York).

 

Hwilum ic gewite,      swa ne wenaþ men,

 

under yþa geþræc      eorþan secan,

 

garsecges grund.      Gifen biþ gewreged,

 

fam gewealcen;     

5

hwælmere hlimmeð,      hlude grimmeð,

 

streamas staþu beatað,      stundum weorpaþ

 

on stealc hleoþa      stane ond sonde,

 

ware ond wæge,      þonne ic winnende,

 

holmmægne biþeaht,      hrusan styrge,

10

side sægrundas.      Sundhelme ne mæg

 

losian ær mec læte      se þe min latteow bið

 

on siþa gehwam.      Saga, þoncol mon,

 

hwa mec bregde      of brimes fæþmum,

 

þonne streamas eft      stille weorþað,

15

yþa geþwære,      þe mec ær wrugon.