Ilang pasko na ang nagdaan
Ngunit ika’y ‘di pa rin malimot
Kailan mo kaya matutunton
Ang daan patungo sa aking puso
Kay dami ng dumaan
Ngunit wala ni isa man
Ang siyang nakapagturo
Sa iyong kinaroroonan
Sana’y matagpuan ko na
Ang aking hinahanap na
Kasiyahan sa kabila ng mga pagsubok
Sana’y tuluyan ko ng maasam
Ikaw ang siyang hangad
Nitong pusong nangangarap
Ang makasama ka ng matagal
Ng walang sinuman ang makakahadlang
Sana’y ibigay ang kahilingan
Nitong pusong nagsusumamo
Na sana’y ikaw ay makasama
At sa habang buhay ay tayong dalawa
Paskong sasapit
Ngunit anong pait
Sabik sa yakap na kay higpit
Kailan kaya ito makakamit
Kailan ka kaya makakapiling
Na sa puso ay tanging hiling
Kung mahahanap lang kita agad
Wala na akong mahahangad