Ikaw ang tangi kong dasal
Na sa akin ay ibigay ng Maykapal
Ikaw ang nag-iisang mithiin
Upang mga pangarap ay kamtin
Nagsusumamo ang puso ko
Na ikaw at ako ay maging buo
Wala ng mahihiling pa
Kung sa tuwina ay makakasama ka
Di ko na makakaya ang ika’y wala
Sapagkat ikaw ang nais kong makita
Sa bawat araw na ginawa
Ikaw lamang ang nag-iisa
Tanging ikaw ang siyang nanaisin
Nitong pusong walang nais hilingin
Kundi ikaw ay mapasaakin
Sa buong buhay na tatahakin
Ikaw lamang ang hinintay
Na dumating sa aking buhay
Upang punan ang mga pagkukulang
Para magkaroon ng kinang
Ikaw ang siyang sinisigaw
Sa isip kong laging ikaw
Dito sa mundong ginagalawan
Nais kong ika’y laging masulyapan
Sana’y sa ating pagtatagpo
Damhin ang tibok ng puso
Ng malaman mo ang laman nito
Na ikaw lamang at ako