Puso ay nasasabik
Sa iyong pagbabalik
Oh aking giliw
Sa iyo’y naaaliw
Wari isip ay ligalig
Ganito yata kapag umiibig
Palaging ikaw ang iniisip
Habang damdamin ay nakasilip
Sadyang di mapakali
Sa tuwinang kawili-wili
Oras ay kay bilis
Ikaw lang ang ninanais
Halaga mo’y walang kawangis
Sa pusong hanap ka ng labis
Ikaw ay sadyang naiiba
Sapagkat nandito ka na sa alaala
Kung puso ay natuturuan
Sana matagal na kitang natagpuan
Ngunit mapagbiro ang tadhana
Ikaw ay patuloy na nawawala
Walang ibang hangad
Kundi ika’y magalugad
Ngunit ang pag-ibig ay mailap
Sa tulad kong nangangarap
Kay tagal ko ng naghahanap
Sa iyo maging sa alapaap
Kailan kaya kita makikita
Upang ‘di na ‘ko mag-isa pa
Sa iyong pagdating
Sana ay makapiling
Dahil andito lang ako
Laging nagmamahal sa’yo
Ang aking buhay
Ay walang kapantay
Kung ikaw at ako
Magkasama ng buo
Ang bawat panalangin
Nitong nagsusumamong damdamin
Sana’y ibigay ang hiling
Na ikaw ay maging akin