Hekta ehaŋna
ḳaŋpi hena
taku owas
ecipaṡ
hdi ce e
eyapi.
Tka tokiya taŋhaŋ
uŋhipi he.
Toked kiya
uŋyapi kta he.
Ina ate kuŋṡi uŋkaŋna
wicayutakupida ṡni.
Ikce wicaṡtapi ṡni waŋna
caże wicoie wocekiya
kcihdaya nażiŋpi
wotapi kte heyake toktokca
wicapażo wicayuhapi.
Hetaŋhaŋ uŋkicaġapi
tka tiwahe taku sdodyapi ṡni.
Sdodyapi ṡni.
Tka waŋna ake ecipaṡ
kiya uŋkupi
ecineṡ
hekta ehaŋna
eyapi taku
owas ecipaṡ
hdi
ce e.