Da Terra Asoballada

Da terra asoballada é un libro de poemas de Ramón Cabanillas publicado por primeira vez como volume independente en 1917. O mesmo título adianta a intención da obra, un conxunto de textos líricos contra a colonización de Galicia que reivindican o substrato humilde da poboación campesiña -no contexto redencionista do agrarismo- a carón das grandes figuras da Historia nacional, cantadas ás veces desde un ton elexíaco.