Gandhi

സച്ചിദാനന്ദൻ രചിച്ച നാടകമാണ് ഗാന്ധി. 1998-ൽ നാടകരചനയ്ക്കുള്ള കേരള സാഹിത്യ അക്കാദമി പുരസ്കാരം ഈ കൃതി നേടിയിട്ടുണ്ട്.ശ്രീ കെ. സച്ചിദാനന്ദൻ രചിച്ച 'ഗാന്ധി' എന്ന നാടകം 1995ൽ കേരള ശാസ്ത്ര സാഹിത്യ പരിഷത്ത് പുസ്തകരൂപത്തിൽ പ്രസിദ്ധീകരിച്ചിരുന്നു. മികച്ച നാടകത്തിനുള്ള 1999 ലെ കേരള സാഹിത്യ അക്കാദമി പുരസ്കാരം ഈ കൃതിക്ക് ലഭിക്കുകയുണ്ടായി.

സ്വാതന്ത്ര്യസമരത്തിന്റെ പരിസമാപ്തിയിൽ ഇന്ത്യയെ സ്വാതന്ത്ര്യത്തിലേയ്ക്കും വിഭജനത്തിലേയ്ക്കും നയിച്ച, ചരിത്രത്തിലെ ഏറ്റവും പ്രക്ഷുബ്ദധമായ കുറെ ദിവസങ്ങളിലെ ഗാന്ധിയെയാണ് ഈ നാടകം അവതരിപ്പിക്കുന്നത്.ദുരന്തപൂർണമായ ആ ദിനങ്ങളെ ഒരു കവിയുടെ നോവുകളോടുകൂടിത്തന്നെ ശ്രീ സച്ചിദാനന്ദൻ നോക്കിക്കാണുന്നു. കഥാപാത്രങ്ങളും പിന്നണിയിൽ നിന്ന് ഉയർന്നു കേൾക്കുന്ന സംഘഗാനങ്ങളും ആ കാലഘട്ടത്തെ മാത്രമല്ല, രചയിതാവിന്റെ സാമൂഹ്യ വീക്ഷണത്തേയും പ്രതിഫലിപ്പിക്കുന്നു. വർഗ്ഗീയ കാഴ്ചപ്പാടുകളും 'കീഴാള'രും ഉള്ളിടത്തോളം കാലം ഇന്ത്യയിലെവിടെയും അരങ്ങേറാവുന്ന ഒരു പ്രമേയമാണ് 'ഗാന്ധി' നാടകത്തിന്റേത്.