Here Cryst procedyth on fote with his Dyscipulys after hym, Cryst wepyng1 up-on the cyte, sayng thus
(86)
JHESU: O Jherusalem, woful is the ordenawnce
Of the day of thi gret persecucyon!
Thou xalt be dystroy with woful grevans
And thi ryalte browth to trew confusyon.
Ye that in the cete han habytacyon,
Thei xal course the tyme that thei were born,
So gret advercyte and trybulacion
Xal falle on hem both evyn and morwyn.
(87)
Thei that han most chylderyn sonest xal wayle
10 And seyn ‘Alas! What may this meen?’
Both mete and drynk sodeynly xal fayle;
The vengeance of God ther xal be seen.
The tyme is comyng hes woo xal ben,
The day of trobyl and gret grevauns,
Bothe templys and towrys they xal down cleen:
O cete, ful woful is thin ordenawns!
(88)
PETRUS: Lord, where wolte thou kepe thi Maunde2?
I pray the now lete us have knowyng,
That we may make redy for the,
20 The to serve with-owte latyng.
JOHANNES: To provyde, Lord, for thi comyng
With all the obedyens we kan a-tende,
And make redy for the in al thyng
In-to what place thou wy[lt] us send.
8 evyn evening morwyn morning 20 latyng hindrance
JHESU: Serys, goth to Syon and ye xal mete
A pore man in sympyl a-ray
Beryng watyr in the strete.
Telle hym I xal come that way,
On-to hym mekely loke that ye say
30 That hese house I wele come tylle.
He wele not onys to yow sey nay,
But sofre to have all your wylle.
(90)
PETRUS: At thi wyl, Lord, it xal be don:
To seke that place we xal us hye.
JOHANNES: In all the hast that we may go
Thin comaw[n]dement nevyr to denye.
Here Petyr and Johan gon forth metyng with Symon Leprows beryng a kan with watyr: Petyr thus seyng
(91)
PETRUS: Good man, the prophete, oure Lord Jhesus,
This nyth wyl rest wyth-in thin halle.
On massage to the he hath sent us
40 That for his sopere ordeyn thou xalle.
JOHANNES: Ya, for hym and his dyscipulys alle
Ordeyn thu for his Maunde
A paschall lomb3, what so be-falle,
For he wyl kepe his pasch with the.
(92)
SYMON: What, wyl my Lord vesyte my plase?
Blyssyd be the tyme of his comyng.
I xal ordeyn with-inne short space
For my good Lordys wel-comyng.
Serys, walkyth in at the begynnyng
50 And se what vetaylys that I xal take.
31 onys once 32 sofre suffer, allow 40 sopere supper 44 pasch Passover 50 vetaylys food
I wot nevyr what joye that I may make.
Here the Dyscypulys gon in with Symone to se the ordenawns; and Cryst comyng thedyr-ward thus seyng
(93)
JHESUS: This path is cal Sydon be goostly ordenawns,
Wech xal convey us wher we xal be.
I knowe ful redy is the purvyaunce
Of my frendys that lovyn me.
Contewnyng in pees now procede we:
For mannys love this wey I take;
With gostly ey I veryly se
60 That man for man an hende must make.
Here the Dyscipulys come a-geyn to Cryst, Petyr thus seyng
(94)
PETRUS: All redy, Lord, is oure ordenawns,
As I hope to yow plesyng xal be.
Seymon hath don at youre instawns;
He is ful glad your presens to se.
(95)
JOHANNES: All thyng we have, Lord, at oure plesyng
That longyth to youre Mawnde with ful glad chere.
Whan he herd telle of your comyng
Gret joye in hym than dyd appere.
Here comyth Symon owt of his hous to welcome Cryst.
(96)
SYMON: Gracyous Lord, wel-come thu be:
70 Reverens be to the, both God and man.
My poer hous that thou wylt se,
Weche am thi servaunt as I kan.
52 (SD) ordenawns arrangements 57 Contewnyng continuing 60 hende end 71 poer poor
JHESU: There joye of all joyis to the is sewre.
Symon, I knowe thi trewe intent;
The blysse of hefne thou xalt recure:
This rewarde I xal the grawnt present.
Here Cryst enteryth in-to the hous with his Disciplis and ete the paschal lomb, and in the mene tyme the cownsel hous beforn-seyd xal sodeynly4 onclose schewyng the Buschopys, Prestys and Jewgys syttyng in here astat lyche as it were a Convocacyone: Annas seyng thus
(98)
ANNAS: Be-hold, it is nowth al that we do,
In alle houre materys we prophete nowth.
Wole ye se wech peusawns of pepyl drawyth hym to,
80 For the mervaylys that he hath wrowth?
(99)
Some other sotylte must be sowth,
For in no wyse we may not thus hym leve;
Than to a schrewde conclusyon we xal be browth,
For the Romaynes than wyl us myscheve,
(100)
And take oure astat and put us to repreve,
And convey all the pepyl at here owyn request,
And thus all the pepyl in hym xal be-leve.
Therfore I pray yow, cosyn, say what is the best.
(101)
CAYPHAS: Attende now, serys, to that I xal seye.
90 On-to us all it is most expedyent
That o man for the pepyl xuld deye
Than all the pepyl xuld perysch and be shent.
75 recure obtain 76 (SD) onclose open 79 peusawns crowd 80 wrowth wrought 81 sowth sought
Therfor late us werk wysely that we us not repent
We must nedys put on hym som fals dede.
I sey for me I had levyr he were brent
Than he xuld us alle thus ovyr-lede.
(103)
Ther-fore every man on his party help at this nede,
And cowntyrfete all the sotyltes that ye kan.
Now late se ho kan geve best rede,
100 To ordeyn sum dystruccion for this man.
(104)
GAMALYEL: Late us no lenger make delacion,
But do Jhesu be takyn in hondys fast5,
And all here folwerys to here confusyon,
And in-to a preson do hem be cast.
Ley on hem yron that wol last,
For he hath wrouth a-gens the ryth.
And sythyn aftyr we xal in hast
Jewge hym to deth with gret dyspyth.
(105)
REWFYN: For he hath trespacyd a-gens oure lawe,
110 Me semyth this were best jewgement.
With wyld hors lete hym be drawe,
And afftyr in fyre he xal be brent.
(106)
LEYON: Serys, o thyng my self herd hym sey,
That he was kyng of Jewys alle.
For treson to Sezar we must it calle.
95 brent burnt 96 ovyr-lede ?overcome 99 ho who 102 do cause to 108 dyspyth cruelty 115 a-now enough
He seyd also to personys that I know
That he xuld and myth serteyn
The gret tempyl mythtyly ovyr-throw,
120 And the thrydde day reysynt ageyn.
(108)
Seche materys the pepyl doth [constreyn6]
To geve credens to his werkys alle.
In hefne he seyth xal be his reyn;
Bothe God and man he doth hym calle.
(109)
REWFYN: And all this day we xuld contryve
What shameful deth Jhesu xuld have.
We may not do hym meche myscheve,
The worchep of oure lawe to save.
(110)
LEYON: Up-on a jebet lete hym hongyn be.
130 This jugement me semyth it is reson,
That all the countre may hym se,
And be ware be his gret treson.
(111)
REWFYN: Yet o thyng, serys, ye must a-spye,
And make a ryth sotyl ordenawns,
Be what menys ye may come hym bye,
For he hath many folwerys at his instawns7.
(112)
ANNAS: Serys, ther-of we must have avysement,
And ben acordyd or than we go,
How we xal han hym at oure entent;
140 Som wey we xal fynd therto8.
120 reysynt restore 129 jebet gibbet
[The house of Simon.]
MARIA MAGDALEN: As a cursyd creature closyd all in care,
And as a wyckyd wrecche all wrappyd in wo;
Of blysse was nevyr no berde so bare
As I my-self that here now go.
Alas! Alas! I xal for-fare
For tho grete synnys that I have do,
Lesse than my Lord God sum-del spare,
And his grett mercy receyve me to9;
Mary Maudelyn is my name.
150 Now wyl I go to Cryst Jhesu,
For he is lord of all vertu,
And for sum grace I thynke to sew,
For of my-self I have grett shame.
(114)
A mercy, Lord, and salve my synne;
Maydenys floure, thou wasch me fre.
Ther was nevyr woman of mannys kynne
So ful of synne in no countre.
I have be-fowlyd be fryth and fenne,
And sowght synne in many a cete,
160 But thou me borwe, Lord, I xal brenne,
With blake fendys ay bowne to be.
Where-fore, kyng of grace,
With this oynement that is so sote
Lete me a-noynte thin holy fote,
And for my balys thus wyn sum bote,
And mercy, Lord, for my trespace!
(115)
JHESUS: Woman, for thi wepynge wylle,
Sum socowre God xal the sende.
The to save I have grett skylle,
143 berde woman 152 sew beg 158 fryth wood fenne fen 160 borwe save 161 bowne bound 163 sote sweet
170 For sorwefull hert may synne amende.
All thi prayour I xal fulfylle;
To thi good hert I wul attende,
And save the fro thi synne so hylle,
And fro vij develys I xal the fende.
Fendys, fleth your weye!
Wyckyd spyritys, I yow conjowre,
Fleth out of hire bodyly bowre!
In my grace she xal evyr flowre,
Tyl deth doth here to deye.
(116)
180 MARIA MAGDALENE: I thanke the, Lorde, of this grett grace.
Now these vij fendys be fro me flytt,
I xal nevyr forfett nor do trespace
In wurd nor dede, ne wyl nor wytt.
Now I am brought from the fendys brace,
In thi grett mercy closyd and shytt,
I xal nevyr returne to synful trace
That xulde me dampne to helle pytt.
I wurchep the on knes bare.
Blyssyd be the tyme that I hedyr sowth,
190 And this oynement that I hedyr brought.
For now myn hert is clensyd from thought
That fyrst was combryd with care.
(117)
JUDAS: Lord, me thynkyth thou dost ryght ylle
To lete this oynement so spylle.
To selle it yt were more skylle,
And bye mete to poer men.
The box was worth of good mone
iij C. pens fayr and fre.
This myght a bowht mete plente
200 To fede oure power ken10.
173 hylle ill 177 bowre bower 184 brace embrace 185 shytt shut 186 trace way 189 sowth sought 192 combryd encumbered
JHESUS: Pore men xul abyde11.
A-geyn the woman thou spekyst wronge,
Of mercy is here mornyng songe.
Here Cryst restyth and etyth a lytyl and seyth syttyng to his Disciplis and Mary Mawdelyn
(119)
JHESUS: Myn herte is ryght sory, and no wondyr is;
Too deth I xal go and nevyr dyd trespas.
But yitt most grevyth myn hert evyr of this:
On of my bretheryn xal werke this manas;
On of yow here syttynge my treson xal tras;
210 On of yow is besy my deth here to dyth;
And yitt was I nevyr in no synful plas,
Where-fore my deth xuld so shamfully be pyght.
(120)
PETRUS: My dere Lord, I pray the the trewth for to telle
Whiche of us ys he that treson xal do.
Whatt traytour is he that his lord that wold selle?
Expresse his name, Lord, that xal werke this woo.
JOHANNES: If that ther be on that wolde selle so,
Good mayster, telle us now opynly his name.
What traytour is hym that from the that wolde go,
220 And with fals treson fulfylle his grett shame?
(121)
ANDREAS: It is right dredfull such tresson to thynke,
And wel more dredful to werk that bad dede.
For that fals treson to helle he xal synke,
In endles peynes grett myscheff to lede.
JACOBUS MAIOR: It is not I, Lord, for dowte I have drede;
This synne to fulfylle cam nevyr in my mende.
203 tyde time 208 manas threat 209 tras contrive 212 pyght fixed
Iff that I solde the, thy blood for to blede,
In doyng that treson my sowle xulde I shende.
(122)
MATHEUS: Alas, my dere Lord, what man is so wood,
230 For gold or for sylvyr hym-self so to spylle?
He that the doth selle for gold or for other good,
With his grett covetyse hym-self he doth kylle.
BARTHOLOMEUS: What man so evyr he be, of so wyckyd wylle,
Dere Lord, among us tell us his name all owt.
He that to hym tendyth this dede to fulfille,
For his grett treson his sowle stondyth in dowt.
(123)
PHILIPPUS: Golde, sylver, and tresoour sone doth passe away,
But with-owtyn ende evyr doth laste thi grace.
A, Lorde, who is that wyll chaffare the for monay?
240 For he that sellyth his lord to grett is the trespace.
JACOBUS MINOR: That traytour that doth this orryble manace,
Bothe body and sowle I holde he be lorn,
Dampnyd to helle pytt fer from thi face,
Amonge all fowle fyndys to be rent and torn.
(124)
SYMON: To bad a marchawnt that traytour he is,
And for that monye he may mornyng make.
Alas, what cawsyth hym to selle the kyng of blys?
For his fals wynnynge the devyl hym xal take.
THOMAS: For his fals treson the fendys so blake
250 Xal bere his sowle depe down into helle pytt.
Resste xal he non have but evyr-more wake,
Brennyng in hoot fyre, in preson evyr shytt.
239 chaffare bargain for 243 fer far
THADEUS: I woundyr ryght sore who that he xuld be,
Amonges us all bretheryn, that xulde do this synne.
Alas, he is lorn! Ther may no grace be.
In depe helle donjeon his sowle he doth pynne.
JHESUS: In my dysche he etyht this treson xal be-gynne12.
Wo xal be-tydyn hym for his werke of dred.
He may be ryght sory swych ryches to wynne,
260 A[n]d whysshe hymself un-born for that synful ded.
(126)
JUDAS: The trewth wolde I knowe as leff as ye,
And therfore, good sere, the trewth thou me telle
Whiche of us all here that traytour may be.
Am I that person that the now xal selle?
JHESUS: So seyst thi-self. Take hed att thi spelle.
Thou askyst me now here if thou xalt do that treson.
Remembyr thi-self – a-vyse the ryght welle –
Thou art of grett age13, and wotysst what is reason.
(127)
Here Judas rysyth prevely and goth in the place and seyt14
JUDAS: Now cowntyrfetyd I have a prevy treson,
270 My masterys power for to felle.
I, Judas, xal a-say be some encheson
On-to the Jewys hym for to selle.
Som mony for hym yet wold I telle.
Be prevy menys I xal asay;
Myn intent I xal fulfylle;
No lenger I wole make delay.
(128)
The princys of prestys now be present,
Un-to hem now my way I take.
I wyl go tellyn hem myn entent.
280 I trow ful mery I xal hem make.
257 etyht eats 271 encheson reason 273 telle count, receive
And thei profyr to my plesyng,
For covetyse I wyl with hem wake,
And on-to my maystyr I xal hem bryng.
[Goes to the Jews.]
(129)
Heyl, prynsesse and prestys that ben present!
New tydyngys to yow I come to telle.
My mayster Jhesu I wele yow selle,
Hese intent and purpose for to felle,
290 For I wole no lenger folwyn his lawe.
Late sen what mony that I xal telle,
And late Jhesu my maystyr ben hangyn and drawe.
(130)
GAMALYEL: Now welcome, Judas, oure owyn frende.
Take hym in, serys, be the honde.
We xal the both geve and lende,
And in every qwarel by the stonde.
(131)
REWFYN: Judas, what xal we for thi mayster pay?
Thi sylver is redy; and we a-corde15,
The payment xal have no delay,
300 But be leyde down here at a worde.
(132)
JUDAS: Late the mony here down be layde,
And I xal telle yow as I kan,
In old termys I have herd seyde,
283 wake watch 287 Gyf if 289 felle destroy 291 Late sen let me see 304 schapman merchant
REWFYN: Here is thretty platys of sylver bryth,
Fast knyth withinne this glove;
And we may have thi mayster this nyth,
This xalt thou have and all oure love16.
(134)
JUDAS: Ye are resonable chapmen to bye and selle.
310 This bargany with yow now xal I make;
Smyth up17; ye xal have al your wylle,
For mony wyl I non for-sake.
(135)
LEYON: Now this bargany is mad ful and fast;
Noyther part may it for-sake.
But, Judas, thou must telle us in hast
Be what menys we xal hym take.
(136)
REWFYN: Ya, ther be many that hym nevyr sowe
Weche we wyl sende to hym in fere;
Ther-for be a tokyn we must hym knowe,
320 That must be prevy be-twyx us here.
(137)
LEYON: Ya, be ware of that for ony thynge,
For o dyscypil is lyche thi mayster in al parayl,
And ye go lyche in all clothyng;
So myth we of oure purpose fayl.
(138)
JUDAS: As for that, serys, have ye no dowth:
I xal ordeyn so ye xal not mysse;
Whan that ye cum hym all a-bowth,
Take the man that I xal kysse.
305 platys coins 306 knyth tied 311 Smyth smite 317 sowe saw 322 parayl apparel
I must go to my maystyr a-geyn.
330 Dowth not, serys, this matere is sure i-now.
GAMALYEL: Fare wel, Judas, oure frend serteyn;
Thi labour we xal ryth wel a-low.
(140)
JUDAS: Now wyl I sotely go seke my mayster ageyn,
And make good face, as I nowth knew.
I have hym solde to wo and peyn;
I trowe ful sore he xal it rew.
Here Judas goth in sotylly wher-as he cam fro.
(141)
ANNAS: Lo, serys, a part we have of oure entent
For to take Jhesu now we must provyde
340 That dare fyth and wele a-byde.
(142)
GAMALYEL: Ordeyn eche man on his party
Cressetys, lanternys and torchys lyth,
And this nyth to be ther redy,
With exys, gleyvis and swerdys bryth.
(143)
CAYPHAS: No lenger than make we teryeng,
But eche man to his place hym dyth,
And ordeyn prevely for this thyng,
That it be done this same nyth.
Here the Buschopys partyn in the place18, and eche of hem takyn here leve be contenawns, resortyng eche man to his place with here meny to make redy to take Cryst; and than xal the place ther Cryst is in xal sodeynly un-close rownd abowtyn, shewyng Cryst syttyng at the table and hese Dyscypulys eche in ere degre, Cryst thus seyng
330 Dowth fear 334 nowth nothing 339 meny company 340 fyth fight 342 Cressetys lanterns 344 exys axes gleyvis weapons
JHESU: Brederyn, this lambe that was set us beforn,
350 That we alle have etyn in this nyth,
It was comawndyd be my fadyr to Moyses and Aaron,
Whan thei weryn with the chylderyn of Israel in Egythp.
(145)
And as we with swete bredys have it ete,
And also with the byttyr sokelyng,
And as we take the hed with the fete,
So dede thei in all maner thyng.
(146)
And as we stodyn, so dede thei stond,
And here reynes thei gyrdyn veryly,
With schon on here fete and stavys in here hond,
360 And as we ete it, so dede thei hastyly.
This fygure xal sesse; a-nothyr xal folwe ther-by,
Weche xal be of my body that am your hed,
Weche xal be shewyd to yow be a mystery19,
Of my flesch and blood in forme of bred.
(147)
And with fervent desyre of hertys affeccion,
I have enterly desyryd to kepe my Mawnde
A-mong yow er than I suffre my passyon.
For of this no more to-gedyr suppe xal we.
And as the paschal lomb etyn have we
370 In the old lawe was usyd for a sacryfyce,
So the newe lomb that xal be sacryd be me
Xal be usyd for a sacryfyce most of price.
Here xal Jhesus take an oble20 in his hand, lokyng upward in to hefne to the Fadyr, thus seyng
(148)
Where fore to the Fadyr of hefne that art eternall
Thankyng and honor I yeld on to the,
354 sokelyng clover (also known as ‘lamb-suckling’) 358 reynes loins 359 schon shoes
To whom be the godhed I am eqwall,
But be my manhod I am of less degre;
Where fore I as man worchep the deyte,
Thankyng the, Fadyr, that thou wylt shew this mystery;
And thus thurwe thi myth, Fadyr, and blyssyng of me,
380 Of this that was bred is mad my body.
Here xal he spekyn ageyn to his Dyscipulys thus seyng
(149)
Bretheryn, be the [vertu] of these wordys that[re]hercyd be,
This, that shewyth as bred to your apparens21,
Is mad the very flesche and blod of me,
To the weche thei that wole be savyd must geve credens.
(150)
And as in the olde lawe it was comawndyd and precepte
To ete this lomb to the dystruccyon of Pharao un-kende,
So to dystroy your gostly enmye this xal be kepte
For your paschal lombe in-to the werdys ende.
(151)
For this is the very lombe with-owte spot of synne
390 Of weche Johan the Baptyst dede prophesy,
Whan this prophesye he dede be-gynne,
Seyng Ecce agnus dey.
(152)
And how ye xal ete this lombe I xal geve informacion
In the same forme as the eld lawe doth specyfye,
As I shewe be gostly interpretacyon;
Ther-fore to that I xal sey your wyllys loke ye replye.
(153)
With no byttyr bred this bred ete xal be,
That is to say with no byttyrnesse of hate and envye,
But with the suete bred of love and charyte22,
400 Weche fortefyet the soule gretlye.
375 be by 378 the thee 384 credens belief 400 fortefyet defend
And it schuld ben etyn with the byttyr sokelyng,
That is to mene gyf a man be of synful dyspocycion,
Hath led his lyff here with mys-levyng,
Therfore in his hert he xal have byttyr contrycion.
(155)
Also the hed with the feet ete xal ye:
Be the hed ye xal undyr-stand my godhed,
And be the feet ye xal take myn humanyte.
These tweyn ye xal receyve to-gedyr in dede.
(156)
This immaculat lombe that I xal yow geve
410 Is not only the godhed a-lone,
But bothe God and man, thus must ye beleve;
Thus the hed with the feet ye xal receyve ech-on.
(157)
Of this lombe un-ete yf owth be levyth23 i-wys,
Yt xuld be cast in the clere fyre and brent,
Weche is to mene, yf thou undyrstande nowth al this,
Put thi feyth in God and than thou xalt not be shent.
(158)
The gyrdyl, that was comawndyd here reynes to sprede,
Xal be the gyrdyl of clennes and chastyte,
That is to sayn to be contynent in word, thought and dede,
420 And all leccherous levyng cast yow for to fle.
(159)
And the schon that xal be your feet up-on
Is not ellys but exawnpyl of vertuis levyng
Of your form faderys you be-forn;
With these schon my steppys ye xal be sewyng.
403 mys-levyng wrong-doing 419 contynent continent 422 levyng living 423 form former (i.e. ancestors)
And the staf that in your handys ye xal holde
Is not ellys but the exawmplys to other men teche;
Hold fast your stavys in your handys and beth bolde
To every creature myn precepttys for to preche.
(161)
Also ye must ete this paschall lombe hastyly,
430 Of weche sentens this is the very entent:
At every oure and tyme ye xal be redy
For to fulfylle my cowmawndement.
(162)
For thow ye leve this day, ye are not sure
Whedyr ye xal leve to-morwe or nowth;
Ther-for hastyly every oure do youre besy cure
To kepe my preceptys and than thar ye not dowth.
(163)
Now have I lernyd yow how ye xal ete
Your paschal lombe that is my precyous body.
Now I wyl fede yow all with awngellys mete,
440 Wherfore to reseyve it come forth seryattly.
(164)
PETRUS: Lord, for to receyve this gostly sustenawns
In dewe forme it excedyth myn intellygens,
For no man of hym-self may have substawns
To receyve it with to meche reverens.
(165)
For with more delycyous mete, Lord, thou may us not fede
Than with thin owyn precyous body;
Wherfore what I have trespacyd in word, thought or dede,
With byttyr contrycion, Lord, I haske the mercy.
431 oure hour 440 seryattly in succession
Whan oure Lord gyvyth his body to his Dyscypulys he xal sey to eche of hem, except to Judas
(166)
JESUS: This is my body, flesch and blode,
450 That for the xal dey up-on the rode,
And whan Judas comyth last, oure Lord xal sey to hym
(167)
Judas, art thou avysyd what thou xalt take?
JUDAS: Lord, thi body I wyl not for-sake.
And sythyn oure Lord xal sey on-to Judas
(168)
JHESU: Myn body to the I wole not denye,
Sythyn thou wylt presume ther-upon;
Yt xal be thi dampnacyon verylye,
I geve the warnyng now be-forn.
And aftyr that Judas hath reseyvyd he xal syt ther he was, Cryst seyng
(169)
On of yow hath be-trayd me,
That at my borde with me hath ete24;
Bettyr it hadde hym for to a be
460 Bothe un-born and un-begete.
Than eche Dyscypyl xal loke on other and Petyr xal sey
(170)
PETRUS: Lord, it is not I.
And so alle xul seyn tyl thei comyn at Judas, weche xal sey
JUDAS: Is it owth I, Lord?25
Than Jhesus xal sey
JHESU: Judas, thou seyst that word.
Me thou ast solde that was thi frend.
That thou hast be-gonne, brenge to an ende.
Than Judas xal gon a-geyn to the Jewys, and yf men wolne xal mete with hym and sey this spech folwyng, or levynt whether thei wyl, the Devyl thus seyng
(171)
DEMON: A, A, Judas, derlyng myn!
Thou art the best to me that evyr was bore;
Thou xalt be crownyd in helle peyn,
And ther-of thou xalt be sekyr for evyr-more.
(172)
470 Thow hast solde thi maystyr and etyn hym also;
I wolde thou kowdyst bryngyn hym to helle every del.
But yet I fere he xuld do ther sum sorwe and wo26,
That all helle xal crye out on me that sel.
(173)
Sped up thi matere that thou hast be-gonne;
I xal to helle for the to mak redy.
Anon thou xalt come wher thou xalt wonne;
In fyre and stynk thou xalt sytt me by.
(174)
JHESU: Now the sone of God claryfyed is,
And God in hym is claryfyed also.
480 I am sory that Judas hath lost his blysse
Weche xal turne hym to sorwe and wo.
(175)
But now in the memory of my passyon,
To ben partabyl with me in my reyn above,
Ye xal drynk myn blood with gret devocyon,
Wheche xal be xad for mannys love.
465 (SD) levynt leave, omit 473 sel time 478 claryfyed revealed 483 partbyl a able to share 485 xad shed
Takyth these chalys of the newe testament,
And kepyth this evyr in your mende.
As oftyn as ye do this with trewe intent,
It xal defende yow fro the fende.
Than xal the Dysciplys com and take the blod, Jhesus seyng
(177)
490 This is my blood that for mannys synne
Outh of myn herte it xal renne.
And the Dyscipulys xul sett them agen ther thei wore and Jhesus xal seyn
(178)
Takyth hed now, bretheryn, what I have do.
With my flesch and blood I have yow fed;
For mannys love I may do no mo
Than for love of man to be ded.
(179)
Werfore, Petyr, and ye every-chon,
Gyf ye love me, fede my schep,
That for fawth of techyng thei go not wrong,
But evyr to hem takyth good kep.
(180)
500 Gevyth hem my body as I have to yow,
Qweche xal be sacryd be my worde,
And evyr I xal thus a-byde with yow
In-to the ende of the werde.
(181)
Ho-so etyth my body and drynkyth my blood,
Hol God and man he xal me take.
It xal hym defende from the devyl wood,
And at his deth I xal hym nowth for-sake.
498 fawth lack 505 Hol united 506 wood mad
And ho-so not ete my body nor drynke my blood,
Lyf in hym is nevyr a dele.
510 Kepe wel this in mende for your good
And every man save hym-self wele.
Here Jhesus takyth a basyn with watyr and towaly gyrt abowtyn hym and fallyth beforn Petyr on his o kne.
(183)
A-nother exawmpyl I xal yow showe
How ye xal leve in charyte;
Syt here down at wordys fewe
Here he takyth the basyn and the towaly and doth as the roberych seyth beforn.
(184)
PETRUS: Lord, what wylt thou with me do?
This servyce of the I wyl for-sake;
To wassche my feet thou xal not so:
I am not worthy it of the to take.
(185)
520 JHESU: Petyr, and thou for-sake my servyce all
The weche to yow that I xal do,
No part with me have thou xal
And nevyr com my blysse on-to.
PETRUS: That part, Lord, we wyl not for-go.
We xal a-bey his comawndement,
Wassche hed and hond we pray the so;
We wyl don after thin entent.
Here Jhesus wasshyth his Dyscipulys feet by and by and whypyth hem and kyssyth hem mekely and sythy[n] settyth hym down thus seyng
515 (SD) roberych rubric
JHESU: Frendys, this wasshyng xal now prevayll.
Youre lord and mayster ye do me calle,
530 And so I am with-owtyn fayl,
Yet I have wasschyd yow alle;
A memory of this have ye xall,
That eche of yow xal do to othyr;
As eche of yow were otherys brother.
(187)
No thyng, serys, so wele plesyth me,
Nor no lyf that man may lede,
As thei that levyn in charyte;
In efne I xal reward here mede.
540 The day is come I must procede
For to fulfylle the prophecy.
This nyth for me ye xal han drede,
Whan noumbyr of pepyl xal on me cry.
(188)
For the Prophetys spoke of me,
And seydyn of deth that I xuld take;
Fro whech deth I wole not fle,
But for mannys synne a-mendys make.
(189)
This nyth fro yow be led I xal,
And ye for fer fro me xal fle,
550 Not onys dur speke whan I yow call,
And some of yow for-sake me.
(190)
For yow xal I dey and ryse ageyn;
Un the thrydde day ye xal me se
Be-forn yow, all walkyng playn
In the lond of Galyle.
534 egal equal 539 efne heaven 550 dur dare 553 Un on
PETRUS: Lord, I wyl the nevyr for-sake,
Nor for no perellys fro the fle,
I wyl rather my deth take
Than onys, Lord, for-sake the.
(192)
560 JHESU: Petyr – yn ferthere than thu doyst knowe27 –
As for that, promese loke thou not make,
For or the cok hath twyes crowe,
Thryes thou xal me for-sake.
(193)
But all my frendys that arn me dere,
Late us go: the tyme drawyth ny.
We may no lengere a-bydyn here,
For I must walke to Betany.
(194)
The tyme is come; the day drawyth nere;
On-to my deth I must in hast.
570 Now, Petyr, make hall thi felawys chere.
My flesch for fere is qwakyng fast28.